إرحل حبيبي وأخاويك

اللـه وأنـا سـاله حـبـيـبي يـهـنيـك
ويـجـبرعــز قـلـب تمـكن صـوابـه
ويرحم عيون يامنى الروح تبكيك
تبـكي ودمـع الـعيـن زود عــذابـه
زود عــذاب الـلي يحـبـك ويغـليـك
وعاف الحياه وعاف نوم شرابـه
ماغاب عـن عينه خيالـك وطاريك
وشاف القهر بالعين مما صطابـه
ومـدام راسي حـي مـانيـب ناسيك
يـقولها اللـي عـاف حـتى شـبابـه
وعساك يـاروحي تحـقق أمــانيـك
عسى الفرح عنك ماتـقفي ركابـه
عسى حبيبك يامنى الروح يرضيك
مـابـيك ياروحـي تعيـش أبكــئابـه
أبـيـع روحـي لـجـل تـسعـد لـيـاليـك
وعسى الفرح تلبس حبيبي ثيابه
وعـسـى الــلي جـلس بـين أيـاديـك
يرضيك لـين القـبر يـسكـن ترابه
تبي الصراحه ودي ترحل وأخاويك
لي الشرف ماهوب عيب وغرابه
روحي عـسـى رب الـخلايـق يهـنيـك
ويـجـبر عــز قـلب تمـكن صوابـه