عنوان لجروحي ودنيا بعثرتني

عمري بقايا جرح وآهات وأحزان
عمري سنين بائسه ... أتعبتني

عمري ألم غربه مع جور الأزمان
عمري سراب والصحاري خذتني

عمري قضيته بين خاين وخوان
أخلصت حبي والقـلوب أخدعتني

عشت بزمن كله خيانه وحقران
وحتى القلوب الطيبه ماأنصفتني

وفيت أنا للكل وأصبحت غلطان
أعطي وهالدنيا أبد .. ماعطتني

ليه السؤال ؟ وعمري اليوم عنوان
عنوان لجروحي ودنيا بعثرتني

عمري فراق وهم وجروح أنسان
عمري سنين بالأسى .. عذبتني

عمري ظلام وحزن وجروح غفران
خلي ظلمني ودمعتي .. أحرقتني

عمري سجين وضحكتي خلف قضبان
مظلوم في دنيا رديــه .. أظلمتني

عمري زهر بس للأسف صار ذبلان
وكل البحور بكبرها .. ماسقتني

عمري عريس وبين هالناس خجلان
وعروستي دنياي بس ماأعشقتني

عمري بحر وقلبي معه دوم عطشان
أشرب بس كفوف الزمن ماروتني

عمري تجارب وداخلي قلب ربحان
ونفس القلوب السود هي أخسرتني

يكفي شموخي وهيبتي قوة أيمان
وأمــوت عالي .. ودنيتي ماوطتني

هـــامة لا حشى كيف .. تنهان
أوضع بقبري وهامتي ماأخذلتني

عمري مع جرحي سوى مثل الأخوان
أعشق جروحي دامها .. مانستني

وعيـوني اللي دمعها فوق الأوجان
دموع من ظلم الحبايب .. كوتني

وماصرت أميز .. بين فلان وعلان
لكن جـــروحي بالبشر علمتني

هذا العمر عمري ومافيه نقصان
أصبحت شايب ودنيتي دمرتني

خلاص برحل والسبب كثر الأحزان
وقلوب ناس(ن) ظالمه ماأرحمتني