الي يقول الحب موجود كذاب

الـي يقـول الحـب موجـود كــذاب
حاجـات ممنـوعـه يسمونـهـا حــب

واللي يقـول أسهرنـي العشـق نصّـاب
ويعـرف نصّابـه وعلمـتـه النـصـب

ماشافـت عيونـي مواليـف وأحـبـاب
والعـشـق لاخـطـى بقلـبـي ولا دب

أكتـب غـزل كلـه علشـان الأعجـاب
ماهـو علشـان الهـوى كـل مـاهـب

لاهـب نسنـاس الهـوى خاطـري ذاب
لا كمـل النسنـاس وشـلـون بشـتـب

أوهـام... شعّـار ... وخرابيـط كتـاب
والجيل ذا من يوم جـاه الهـوى خـرب

نهيـت قلبـي مـن طبوعـه ولاتــاب
قد قلتلـه خـل الصراحـه علـى جنـب

لأن الصراحـه دايمـا تفـتـح أبــواب
صـار الكـلام الواقعـي يشبـه السـب

اللـي يبـي يزعـل بيلقـالـه أسـبـاب
لـو إن مالـي ذنـب بيحطلـي ذنــب

حنـا بزمـن فيـه العلاقـات بحـسـاب
للخافـيـه ريـبـة وللـواضـحـة رب

حب أهلك.. حب وطنك .. حب الأصحاب
ذولا لاقلـت تحبـهـم فـعـلا تـحـب